SQL for Programmers
SQL ဆိုတာ programmer တွေအတွက် မသိရင်မဖြစ်တဲ့ Skill တစ်ခုပါ။ အစပိုင်းမှာ လွယ်ပေမယ့် တစ်ချို့ဟာတွေတော့ အချိန်ပေးပြီး လေ့လာရပါတယ်။ Programmer တစ်ယောက်အနေနဲ့ အဆင့်လိုက် ဘာတွေသိထားရမလဲဆိုတော့ —
SELECT, WHERE, ORDER
ဒါကတော့ စစချင်းမှာ Table ဆိုတဲ့ concept သိဖို့နဲ့ Select လုပ်တတ်၊ filter လုပ်တတ်၊ order လုပ်တတ်ရင် ရပြီ။
- Grouping and Aggregation
GROUP BY လိုမျိုး grouping concept တွေ သိရတော့မယ်၊ Group လုပ်ပြီးရင် Group လုပ်ထားတဲ့ ဒေတာကို ပြန်တွက်ထုတ်ရတဲ့ MIN, MAX, COUNT, SUM စတဲ့ Aggregation တွေကို သိရမယ်။
- Normalization and Data Integrity
ပြီးရင်တော့ Table တွေ ဘာကြောင့်ခွဲပြီးလုပ်တယ်။ 1NF, 2NF, 3NF စတာတွေ သိရတော့မယ်။ ပြီးရင် Data Integrity အတွက် Primary Key, Foreign Key စတာတွေ သိရမယ်။ ဒီဟာတွေက Theory တွေဆိုပေမယ့် လက်တွေ့မှာလည်း တစ်ကယ် အသုံးဝင်တော့ သေချာနားလည်ထားဖို့လိုတယ်။
- JOINs (
INNER JOIN, LEFT JOIN, Views)
Table တွေ ခွဲပြီးရင် လိုအပ်တဲ့ data ရဖို့ JOIN တွေ လုပ်ပြီး ပြန်ထုတ်တတ်ရမယ်။ အသုံးများတဲ့ INNER JOIN နဲ့ LEFT JOIN လောက်ကတော့ သေချာသိနေရမယ်။ ပြီးရင် View ဆိုတဲ့ concept လောက်တော့ သိရတော့မယ်။
- Functions and operators
ထည့်ထားတဲ့ data တွေကို ပြင်ဆင်ပေါင်းစပ်ပြီး လုပ်ရတာတွေရှိလာတတ်တယ်။ ဥပမာ - date တို့၊ string တို့ကို manipulate လုပ်တဲ့ functions/operators တွေကို သိရမယ်။
- Indexing
Data လေးနည်းနည်းရှိလာပြီဆို indexing က မရှိမဖြစ်ပဲ။ သူ့အကြောင်းလည်း သေချာသိဖို့လိုတယ်။
- Window Functions
ပုံမှန်အားဖြင့် JOIN တွေလောက်နဲ့အဆင်ပြေတယ်ဆိုပေမယ့် တစ်ခါတစ်လေမှာ Window Functions တွေသုံးလိုက်တာက အများကြီးလွယ်သွားတယ်။ ဘယ်လိုရေးရေးမရဘူး၊ loop တွေပတ်ဖို့စဉ်းစားနေပြီဆိုရင် Window Functions ကိုသုံးဖို့ လိုနေတာလည်း ဖြစ်တတ်တယ်။
- Query Optimization
ဒါကတော့ Data များများနဲ့လုပ်တဲ့သူတွေ၊ Reporting ပိုင်းတွေမှာ လုပ်ရတာပေါ့။ Query Plan ကို analyst လုပ်တာကနေစပြီး indexing အလုပ်လုပ်ပုံတွေ၊ Database Engine ရဲ့ fine tuning တွေကိုပါသိိဖို့လိုလာပြီ။